Misirdə köpəkbalığı turistlərə hücum edib, ölən və yaralanan var

Misirin Marsa-Alam kurortunda köpəkbalığının hücumu zamanı bir turist həlak olub, daha biri isə xəsarət alıb.

“Report” xarici KİV-lərə istinadən xəbər verir ki, bu barədə Misirin Ətraf Mühit Nazirliyi məlumat yayıb.

"Ətraf Mühit Nazirliyinə Marsa-Alam kurortunun şimalında iki xarici vətəndaşın köpəkbalığının hücumuna məruz qaldığı, nəticədə onlardan birinin xəsarət aldığı, digərinin isə həlak olduğu barədə məlumat daxil olub", - nazirliyin açıqlamasında bildirilir.