Mərkəzi Afrika Respublikasında BMT-nin üç sülhməramlısı həlak olub

Mərkəzi Afrika Respublikasının şimal-qərbindəki Uam-Pendezon bölgəsində bombanın partlaması nəticəsində BMT-nin üç sülhməramlısı həlak olub.

“Report” “Anadolu”ya istinadən xəbər verir ki, bu barədə yerli KİV məlumat yayıb.

Bildirilib ki, naməlum silahlı qrup bölgədəki Kaita kəndi yaxınlığında patrul xidmətində olan BMT sülhməramlılarına basqın edib.

Hücum nəticəsində BMT-nin sülhməramlı kontingentindən üç Banqladeş əsgəri həlak olub.

Hücumla bağlı araşdırmalara başlanılıb.