Meksikada helikopter qəzası olub, ölənlər var

Meksikanın qərbindəki Xalisko ştatının Tuxpan bələdiyyəsində özəl helikopterin qəzaya uğraması nəticəsində azı 3 nəfər həlak olub.

“Report” TASS-a istinadən xəbər verir ki, bu barədə regional mülki müdafiə xidməti məlumat yayıb.

"Helikopter qəzadan sonra alovlanıb və tamamilə yanıb. Əməkdaşlarımız Tuspan yanğınsöndürənləri ilə birlikdə yanğının lokallaşdırılması üzərində işləyirlər. İlkin məlumata görə, 3 nəfər həlak olub", - qurumun “X” sosial şəbəkəsindəki səhifəsində bildirilir.

Helikopterin qonşu Kolima ştatının ərazisindən havaya qalxdığı qeyd edilir.

Polis hadisənin səbəblərini araşdırır.