Lukaşenko Putinlə danışıqlar aparmaq üçün Rusiyaya səfər edəcək

Belarus Prezidenti Aleksandr Lukaşenko Rusiya lideri Vladimir Putinlə danışıqlar aparmaq üçün Rusiyaya səfər edəcəyini deyib. 

“Report” xəbər verir ki, bu barədə BELTA məlumat yayıb.

“Bir həftədən sonra biz onunla Moskvada görüşəcəyik və bütün məsələlər barədə ətraflı danışacağıq”, - o amerikalı bloger Mario Naufala müsahibəsində bildirib.

Moskvada keçiriləcək görüşün bir sıra aktual beynəlxalq problemlərin, o cümlədən nadir torpaq metalları üzrə ABŞ-Ukrayna razılaşması və regional təhlükəsizlik məsələlərinin hərtərəfli müzakirəsi üçün platformaya çevriləcəyi gözlənilir.