Los-Ancelesdə baş verən yanğınlarda 10 nəfər həlak olub

Los-Ancelesi bürüyən yanğınlar nəticəsində ən azı 10 nəfər həlak olub.

“Report” NBC news telekanalına istinadən xəbər verir ki, bu barədə məhkəmə-tibbi ekspertiza xidməti məlumat verib.

"Həlak olanların kimliyinin müəyyənləşdirilməsi prosesi bir neçə həftə çəkə bilər, çünki məhkəmə-tibbi ekspertiza departamenti yanğın şəraiti və təhlükəsizlik səbəbləri ilə əlaqədar müəyyən ərazilərə girişi əldə edə bilmir", - qurumun məlumatında vurğulanıb.

Los-Anceles dairəsinin şerifi Robert Luna xəbərdarlıq edib ki, yanğınlar davam etdiyi üçün nə qədər insanın həlak ola biləcəyi hələ məlum deyil:

“Ölümlərin araşdırılması üzrə qruplar bu ərazilərə daxil ola bilməyənə qədər həlak olanların dəqiq sayı məlum olmayacaq”