Liviyada daşqınlar nəticəsində ölənlərin sayı 4 333 nəfərə çatıb

Sentyabrın 10-da Liviyanın şərqində baş verən daşqınlar nəticəsində ölənlərin sayı 4 333 nəfərə çatıb.

“Report”un məlumatına görə, bunu Ümumdünya Səhiyyə Təşkilatının (ÜST) Liviya regional ofisinin fövqəladə hallar üzrə sağlamlıq qrupuna cavabdeh olan Hale Hudari bildirib.

Onun sözlərinə görə, fəlakət bölgələrində 8 500 adam itkin düşüb: “Ölənlər arasında 25-i həkim olmaqla cəmi 101 səhiyyə işçisi var. Bu, Liviyanın səhiyyə sektoru üçün böyük itki sayılır”.

O qeyd edib ki, ÜST fəlakət bölgələrində sağlamlıqla bağlı ciddi səylər göstərir: “Liviyalılar tam həmrəy olub. Ölkənin bütün bölgələrindən fəlakət zonasına həkimlər gəlib”.