Livanda İsrail PUA-nın hücumu nəticəsində bir nəfər həlak olub

İsrail Hərbi Hava Qüvvələrinə məxsus pilotsuz uçuş aparatının (PUA) Livanın cənubunda avtomobilə raket atması nəticəsində bir nəfər həlak olub, yaralananlar var.

“Report” TASS-a istinadən xəbər verir ki, bu barədə “Janoubia” xəbər portalı məlumat yayıb.

Hadisə Litani çayı üzərindəki körpünün yerləşdiyi Hərdali rayonunda baş verib.

Livan komandanlığı hadisə barədə BMT-nin Livandakı Müvəqqəti Qüvvələrinə məlumat verib və bunu noyabrın 27-də qüvvəyə minmiş atəşkəs rejiminin pozulması kimi qiymətləndirib.