Kris Rayt: Venesuelada seçkilər Trampın prezidentlik müddəti başa çatmadan keçiriləcək

Venesuelada seçkilər Donald Trampın ABŞ Prezidenti vəzifəsində səlahiyyətləri başa çatana qədər keçiriləcək.

"Report" xəbər verir ki, bu barədə ABŞ-nin Energetika Nazirliyinin rəhbəri Kris Rayt "Fox News" telekanalına müsahibəsində bildirib.

"Biz doğru istiqamətdə irəliləyirik, düşünürəm ki, bu, Tramp administrasiyası dövründə mümkün olan ən qısa müddətdə baş verəcək", - o deyib.

Rayt, eyni zamanda qeyd edib ki, prosesi həddindən artıq sürətləndirmək lazım deyil, seçkilər tərəqqi və sabit iqtisadiyyat şəraitində keçirilməlidir.

Qeyd edək ki, Trampın prezidentlik müddəti 2029-cu il yanvarın 20-də başa çatır.