Koloradoda atışma nəticəsində iki nəfər ölüb, biri yaralanıb

Kolorado ştatının Leykvud şəhərində atışma nəticəsində 2 nəfər ölüb, 1 nəfər yaralanıb.

“Report” bu barədə yerli polisə istinadən xəbər verir.

Hadisə yerinə gələn hüquq-mühafizə orqanlarının əməkdaşları güllə yarası almış üç nəfəri aşkar ediblər. Onlardan biri hadisə yerində keçinib. Daha iki nəfər xəstəxanaya yerləşdirilib. Həkimlərin səyinə baxmayaraq, daha bir yaralı xəstəxanada ölüb, üçüncünün həyatı üçün təhlükə yoxdur.

Hadisə yerindən bir neçə odlu silah götürülüb.

Müstəntiqlər hesab edir ki, atışmada dördüncü şəxs iştirak edib və o, hadisə yerindən qaçıb, axtarışları davam edir.