KİV: “Qar fırtınası ABŞ-da təbii qaz hasilatında rekord azalmaya səbəb olub”

ABŞ-da qar fırtınası təbii qaz hasilatının rekord dərəcədə azalmasına səbəb olub.

“Report” xəbər verir ki, bu barədə “Bloomberg” agentliyi məlumat yayıb.

Agentliyin məlumatına görə, qar fırtınası quyuların bağlanmasına səbəb olub. Nəticədə təbii qaz hasilatı düz 2,8 milyon kubmetr azalıb. Bu da hasilatda son 10 ildən artıq müddətdə ən böyük azalmadır.

Eyni zamanda, “Bloomberg”in məlumatına əsasən, ABŞ-da təbii qaz istehlakının səviyyəsi 2019-cu ilin əvvəlindən bəri ən yüksək səviyyəyə çatıb.

Daha əvvəl ABŞ-da qar fırtınası səbəbindən bir milyondan çox evdə elektrik enerjisinin kəsildiyi barədə məlumat verilmişdi.

Təbii fəlakət nəticəsində azı 16 nəfər ölüb.