KİV: İsrailin hücumlarından sonra Beyrut aeroportu yaxınlığında yanacaqdoldurma məntəqəsində yanğın baş verib

İsrail Hərbi Hava Qüvvələrinin (HHQ) endirdiyi zərbələr nəticəsində Beyrut beynəlxalq hava limanı yaxınlığındakı yanacaqdoldurma məntəqəsində yanğın baş verib.

“Report” xəbər verir ki, bu barədə “Al Mayadeen” telekanalı məlumat yayıb.

Telekanal daha əvvəl İsrail HHQ-nin Beyrut hava limanı yaxınlığındakı əraziyə zərbələr endirdiyini bildirib.

İsrail Ordusunun mətbuat xidmətinin məlumatına görə, İsrail aviasiyası Beyrutdakı “Hizbullah” hədəflərinə zərbələr endirir.