KİV: ABŞ Avropanın Ukraynaya təhlükəsizlik zəmanəti verməsini gözləyir

ABŞ Avropa ölkələrindən Kiyevə hansı təhlükəsizlik zəmanəti verə biləcəkləri və Ukraynaya nə qədər sülhməramlı və texnika göndərə biləcəkləri barədə təkliflər vermələrini xahiş edib.

“Report” xəbər verir ki, bu barədə Britaniyanın “Financial Times” (FT) qəzeti dörd mənbəyə istinadən məlumat yayıb.

Nəşrin məlumatına görə, belə bir sorğu bu həftə Avropa liderləri öz ölkələrinin Rusiya – Ukrayna müharibəsinin sülh yolu ilə həllində iştirakının zəruriliyi barədə danışmağa başlayandan sonra yayılıb.

"Biz iştirakımızı belə təmin edirik", – nəşrin mənbələrindən biri bildirib.