Yuxarı

​KİV: Sabah Yəməndə atəşkəs elan olunacaq

İsmayıl Şeyx Əhməd yaxın 48 saatda humanitar yardım aksiyasının bütün detallarını dəqiqləşdirəcək

Bakı. 7 iyul. REPORT.AZ/ Yəməndə münaqişə edən tərəflər, eləcə də Səudiyyə Ərəbistanının başçılıq etdiyi beynəlxalq koalisiya qüvvələri 5 günlüyünə atəşkəs elan olunması haqda razılığa gəliblər. "Report" TASS-a istinadən xəbər verir ki, bu haqda "Elaph" saytı məlumat yayıb.

Xəbərə görə, hətta sonradan atəşkəsin müddəti uzadıla da bilər. Məlumatda bildirilir ki, bu tədbirin başlamasının iyulun 8-də elan olunacağı gözlənilir. "Humanitar barış" adı altında tətbiq ediləcək atəşkəsin Ramazan Bayramına, yəni iyulun 17-dək davam etməsi nəzərdə tutulub.

Həmçinin qeyd olunub ki, BMT baş katibinin xüsusi nümayəndəsi İsmayıl Şeyx Əhməd yaxın 48 saatda "humanitar yardım" aksiyasının bütün detallarını dəqiqləşdirəcək.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi