Kanada “Airbus”dan 9 hərbi nəqliyyat təyyarəsi alacaq

Kanadanın Müdafiə Nazirliyi ölkənin Hərbi Hava Qüvvələrinin yenilənməsi proqramı çərçivəsində dördü tanker təyyarəsi də daxil olmaqla, “Airbus”dan doqquz hərbi nəqliyyat təyyarəsi alacaq.

“Report” xəbər verir ki, bu barədə nazirliyin mətbuat xidmətinin məlumatında deyilir.

Müqavilənin məbləği 3,6 milyard Kanada dolları (2,73 milyard ABŞ dolları - Qeyd) təşkil edəcək. Bu, müasir “A330 MRTT” çoxməqsədli tanker-nəqliyyat təyyarələrindən dördünün, eləcə də beş işlənmiş “A330-200” nəqliyyat təyyarəsinin alınmasını nəzərdə tutur.

Qeyd olunub ki, hazırda Kanadanın Hərbi Hava Qüvvələrinin balansında olan “CC-150 Polaris” təyyarələrinin istismar müddəti başa çatmaq üzrədir.