İsrailin BMT-dəki nümayəndəsi Qəzzanın şimalındakı sakinlərin təxliyəsini müvəqqəti adlandırıb

Qəzza zolağının şimal hissəsinin sakinlərinin cənuba təxliyəsi mülki əhalinin təhlükəsizliyini təmin etmək üçün zəruri olan müvəqqəti tədbirdir.

“Report” xarici KİV-ə istinadən xəbər verir ki, bu barədə İsrailin BMT-dəki daimi nümayəndəsi Gilad Erdan oktyabrın 7-də HƏMAS-ın İsrailə hücumu zamanı girov götürdüyü şəxslərin ailələri ilə keçirilən tədbirdə deyib.

“Qəzza zolağının şimalındakı sakinlərə mülki əhaliyə dəyən zərəri azaltmaq üçün müvəqqəti olaraq cənuba getmələri tövsiyə edilib. BMT bu cür ehtiyat tədbirləri gördüyümüz üçün bizi alqışlamalıdır”, – o diqqətə çatdırıb.