İsrailin baş naziri əməliyyat olunacaq

İsrailin Baş naziri Benyamin Netanyahu bu gün əməliyyat olunacaq.

"Report" xəbər verir ki, bu barədə Kan dövlət teleradio şirkəti Baş nazirin ofisinə istinadən məlumat yayıb.

Qeyd olunub ki, Baş nazir postunu müvəqqəti olaraq baş nazirin müavini və ədliyyə naziri Yariv Levin tutacaq.

Əməliyyat tam anesteziya altında aparılacaq. “The Times of Israel” qəzetinin yazdığına görə, bel yırtığı ötən gecə adi müayinə zamanı aşkarlanıb.