İsrail Ordusu İranda yeraltı raket anbarına hücum edib

İsrail Ordusu İranın müxtəlif növ raketlər və buraxılış qurğuları üçün nəzərdə tutulmuş yeraltı anbarına zərbələr endirib.

"Report" xəbər verir ki, bu barədə Ordunun Mətbuat xidməti teleqram kanalında bəyanat yayıb.

“İsrail Ordusu İranın qərbində "yer-yer" tipli və qanadlı raketlərin saxlandığı yeraltı obyektə hücum edib”, - bəyanatda deyilir.

Məlumata görə, hədəfə alınan obyektin tərkibində yeraltı tunellər, raketlərin saxlanıldığı sahələr və çoxsaylı buraxılış qurğuları yerləşib.