KİV: İsrail Ordusu Livanda quru əməliyyatına hazırlaşa bilər - YENİLƏNİB

İsrail Müdafiə Ordusunun Baş Qərargahının Livandakı əməliyyatı quru hücumunu əhatə edə bilər.

"Report" "The Times of Israel"ə istinadən xəbər verir ki, bu barədə Səudiyyə Ərəbistanının "Əl-Hədəs" telekanalı İsrail təhlükəsizlik xidmətlərindəki mənbəyə istinadən məlumat yayıb.

Mənbənin sözlərinə görə, "Hizbullah"ın heç bir siyasətçisi və ya hərbi xadimi, hətta onun tərəfdarları üçün heç bir toxunulmazlıq olmayacaq".

O əlavə edib ki, İsrail Müdafiə Ordusunun Livan qruplaşmasına qarşı yeni hücumu "genişmiqyaslı olacaq və quru müdaxiləsini əhatə edə bilər".

10:36

İsrail Müdafiə Ordusunun Baş Qərargah rəisi Eyal Zamir "Hizbullah"a qarşı hərbi əməliyyatın bir neçə gün davam edəcəyini bəyan edib.

"Report" xəbər verir ki, bu barədə "The Times of Israel" məlumat yayıb.

"Biz "Hizbullah"a qarşı hücum kampaniyasına başladıq. İndi biz yalnız müdafiə olunmuruq, həm də hücuma keçirik. Bir neçə günlük döyüşlərə hazır olmalıyıq. Yüksək müdafiə və hücum hazırlığı tələb olunur", - o bildirib.

"Times of Israel" qeyd edib ki, Livanda "Hizbullah"ın mövqelərinə raket zərbələri endirildikdən sonra İsrail Müdafiə Ordusu bir neçə dalğa hava zərbəsi həyata keçirib.