İsrail HƏMAS komandirlərinin evlərinə zərbələr endirdi

İsrailin Müdafiə Ordusunun qırıcıları Qəzza sektorunda HƏMAS komandirlərinin "terror infrastrukturu" kimi istifadə olunan beş evinə hücum edib.

“Report”un məlumatına görə, bu barədə ordunun mətbuat xidməti bildirib.

"Son bir neçə saatda İsrailin Müdafiə Ordusunun qırıcı və təyyarəsi HƏMAS-ın bütün Qəzza üzrə terrorçuların beş qərargahına hücum etdi. Hücum edilmiş evlər terrorçuların infrastrukturu kimi xidmət göstərirdi", - xəbərdə deyilir.

Qeyd edək ki, Qəzza sektorunda vəziyyət mayın 10-da gərginləşib.