İsrail HƏMAS-ın daha bir komandirinin zərərsizləşdirildiyini açıqlayıb

HƏMAS qruplaşmasının “İzzədin əl-Kassam briqadası”nın hərbi qanadının mərkəzi hissəsinin komandiri “Əbu Əhməd” ləqəbli Husal Ayman zərərszləşdirilib.

“Report” “Ynet”ə istinadən xəbər verir ki, bu barədə İsrail Müdafiə Ordusu məlumat yayıb.

Bildirilib ki, o, İsrail Müdafiə Ordusunun Qəzza zolağının mərkəzinə hücumu nəticəsində öldürülüb.

Qeyd edək ki, HƏMAS oktyabrın 17-də İsrailin endirdiyi zərbələr nəticəsində iki yüksək rütbəli üzvünün öldüyünü də təsdiqləyib.