İsrail BMT Baş Assambleyasını sərt tənqid edib

“BMT Baş Assambleyası ildən-ilə antisemitizmin təzahürü kimi qiymətləndirilə bilən İsrail hakimiyyətinin hərəkətlərini pisləyən qətnamələr qəbul edir”.

“Report”un məlumatına görə, bu sözləri İsrailin dünya təşkilatındakı daimi nümayəndəliyinin diplomatı Reut Şapir Ben-Naftali deyib.

Onun sözlərinə görə, qurum ildən-ilə HƏMAS terrorçularının törətdiyi dəhşətli cinayətlər fonunda səssiz qalaraq yalnız İsraili günahlandıran qətnamələr qəbul edir.

“Bu, ikili standartların və antisemitizmin klassik tərifidir. Biz BMT mandatlarının və vəsaitlərinin siyasi məqsədlər üçün istifadəsinə, həmçinin qurumun İsrailə qarşı kinli kampaniyasına son qoymağa çağıracağıq”.