İspaniyada qatarlar toqquşub, ölən və yaralananlar var

İspaniyada iki qatarın toqquşması nəticəsində 1 nəfər ölüb, onlarla insan yaralanıb.

Bu barədə “Report” yerli “Cadena SER” radiostansiyasına istinadən xəbər verir.

Məlumata görə, hadisə Barselonadan 14 kilometr kənarda yerləşən “Sant Boi de Llobregat” stansiyasında qeydə alınıb. Yük qatarı ilə şəhərətrafı qatarın toqquşması zamanı 2-si ağır olmaqla 85 nəfər yaralanıb.

Qəza nəticəsində ölən şəxs şəhərətrafı qatarın maşinistidir. Hadisədən sonra şəhərətrafı qatarda olan 100-ə yaxın sərnişin təxliyə edilib.

Rəsmilər qəzanın səbəbləri ilə bağlı araşdırmaların aparıldığını bildiriblər.

İspaniyanın Baş naziri Pedro Sançes sosial media hesabındakı açıqlamasında qəzada həlak olan sürücünün ailəsinə başsağlığı verib.

En total: 1 mort i 86 ferits (tots fora de perill) a #SantBoi

️ 84 ferits lleus: 77 han rebut l’alta in situ i 7 han estat hospitalitzats (6 a l’Hospital de Sant Boi i un a l’Hospital de Viladecans.

️ 2 viatgers en estat menys greu han estat traslladats a l’Hospital Broggi pic.twitter.com/9nOKVce1wa

— Andrea Villoria (@andreajvilloria) May 16, 2022