İngiltərədə kiçikmühərrikli təyyarə qəzaya uğrayıb, ölənlər var

İngiltərənin şimalında kiçikmühərrikli təyyarənin qəzaya uğraması nəticəsində iki nəfər ölüb.

“Report” xəbər verir ki, bu barədə Şimali Yorkşir qraflığının polisi məlumat verib.

Məlumata əsasən, pilot və sərnişini kənd ərazisində təyyarənin yerə çırpılması nəticəsində həlak olublar.

“İkiyerli kiçikmühərrikli təyyarə qəzaya uğrayaraq tarlaya düşüb. Təəssüf ki, təyyarədə olan 20-30 yaşlarında iki kişi – pilot və sərnişin həlak olub”, – polisin məlumatında deyilir.

Faktla bağlı araşdırma aparılır.