İndoneziyada Semeru vulkanı sutka ərzində 11 dəfə püskürüb və 4,8 km yüksəkliyə kül atıb

İndoneziyada Şərqi Yava əyalətində bazar günü günortayadək olan sutka ərzində Semeru vulkanının 11 püskürməsi qeydə alınıb.

"Report" xəbər verir ki, bu barədə "Tempo" portalı müşahidə məntəqəsinin əməkdaşlarına istinadən bildirib.

Bildirilib ki, püskürmələr nəticəsində yaranan kül sütunu vulkanın kraterindən 1 200 metr və ya dəniz səviyyəsindən 4 876 metr yüksəkliyə qalxıb. Respublikanın Vulkanologiya və Geoloji Fəlakətlərin Fəsadlarının Yumşaldılması Mərkəzi yerli sakinlərə və turistlərə ehtiyatlı olmağı və vulkanın cənub-şərqindən 8 km-dən az məsafədə kraterə yaxınlaşmamağı tövsiyə edib, həmçinin qızmar daşların atılması təhlükəsi səbəbindən vulkandan 3 km radiusda olmağı qadağan edib.