İsveçdə terror aktı hazırlamaqda şübhəli bilinən 3 nəfər həbs edilib

Bakı. 30 aprel. REPORT.AZ/ İsveçdə terror aktı hazırlamaqda şübhəli bilinən üç nəfər həbs edilib.

Bu barədə "Report" RİA "Novosti"yə istinadən xəbər verir.

İsveç prokurorluğunun məlumatına görə, polis səhər saatlarında bir neçə yerdə - ölkənin şimalında və pytaxt Stokholm şəhərinin ətrafında əməliyyat keçirib. Həbs olunanlarla yanaşı, daha bir neçə nəfər dindirilmək üçün polisə aparılıb.

Polisin əməliyyatından sonra İsveç Təhlükəsizlik Polisi SAPO ölkədə terror təhlükəsi səviyyəsinin beşdən üçüncü səviyyədə olduğunu bildirib.