İŞİD Londonda törədilmiş terror aktına görə məsuliyyəti üzərinə götürüb

Bakı. 15 sentyabr. REPORT.AZ/ İŞİD terror qruplaşması Londonda törədilmiş terror aktına görə məsuliyyəti üzərinə götürüb.

"Report" xarici mətbuata istinadən xəbər verir ki, bu barədə ekstremistlərin informasiya fəallığının monitorinqini aparan "SITE" saytı məlumat yayıb.

Qeyd edək ki, cümə günü səhər Londonun qərbindəki "Parsons Green" stansiyasında partlayış törədilib. Nəticədə bir neçə nəfər müxtəlif dərəcəli xəsarət alıb. Şahidlərin sözlərinə görə, əldəqayırma partlayıcı qurğu tam gücü ilə olmamaqla işə düşüb.

Hadisə zamanı 29 nəfər yaralanıb. Onların həyatına təhlükə olmadığı bildirilir.