İraqda kütləvi məzarlıq aşkar olunub

Bakı. 8 noyabr. REPORT.AZ/ İraqın Mosul şəhərindən cənubda 100 nəfərin basdırıldığı kütləvi məzarlıq aşkar edilib.

"Report" xəbər verir ki, bu barədə İraq ordusu komandanlığına istinadən Qərb mətbuatı yazıb.

Məlumata görə, məzarlıq İŞİD terror qruplaşmasından azad olunan Hammam əl-Əlilyə şəhərində yerləşən Kənd Təsərrüfatı İnstitutunun ərazisində tapılıb.

"İŞİD-in quldur dəstələri insanlarımıza qarşı cinayət törətməkdə davam edirlər", - deyə komandanlıqdan bildirilib.