Yuxarı
    Bağlamaq

    İraq Qətərin blokadasına qarşı çıxıb

    Blokada rejimlərə təsir etmir, blokada insanlara əzab verir© Courtesy İmage

    Bakı. 14 iyun. REPORT.AZ/ İraqın baş naziri Heydər əl-Abadi Qətərin ərəb ölkələri tərəfindən təcridinə qarşı çıxış etdiyini bildirib.

    "Report" "Reuters"ə istinadən xəbər verir ki, baş nazir bunun rejimə deyil, sadə vətəndaşlara ziyan vurduğunu qeyd edib.

    "İraq Qətərin Səudiyyə Ərəbistanı və Fars körfəzinin digər ərəb qonşuları tərəfindən təcridinə qarşı çıxır, çünki bu, adi vətəndaşlara ziyan vurur", - baş nazir bildirib.

    Heydər əl-Abadi kral Salman bin Əbdüləziz As-Səud ilə danışıqlar aparmaq üçün çərşənbə günü Səudiyyə Ərəbistanına səfər edəcək.

    İraqın baş naziri bildirib ki, o, Səudiyyə Ərəbistanından Qətərə qarşı irəli sürülən ittihamlar barədə izahat istəyəcək.

    "Blokada rejimlərə təsir etmir, blokada insanlara əzab verir", - baş nazir bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi