Hindistanda yol qəzası baş verib, ölənlər var

Hindistanın Qərbi Racastan ştatında yanacaq daşıyan tankerin digər avtomobillərlə toqquşması və alov alması nəticəsində azı 5 nəfər ölüb, 35 nəfər yaralanıb.

“Report” TASS-a istinadən xəbər verir ki, bu barədə “Press Trust of India” agentliyi məlumat yayıb.

Məlumata görə, hadisə Caypur-Acmer avtomobil yolunda baş verib. Zərərçəkənlər yerli xəstəxananın reanimasiya şöbəsinə yerləşdirilib. Toqquşma və güclü yanğın nəticəsində magistralın 300 m hissəsi zədələnib.