Hindistanda xəstəxanada yanğın baş verib, ölənlər var

Hindistanın Tamil Nadu ştatının cənubunda yerləşən Dindiqul şəhərindəki özəl klinikada baş verən yanğın nəticəsində ən azı altı nəfər ölüb, 32 nəfər xəsarət alıb.

“Report” TASS-a istinadən xəbər verir ki, bu barədə “The Hindu” nəşri məlumat yayıb.

Məlumata görə, yanğın dekabrın 12-də gecə saatlarında dördmərtəbəli xəstəxana binasında baş verib.

Bildirilib ki, altı nəfər liftdə tüstüdən zəhərlənərək ölüb. Zərərçəkənlər xəstəxanaya çatdırılıb, digər xəstələr təxliyə edilib.

Yanğının səbəbləri araşdırılır.