​Hindistanda bazarda atışma nəticəsində ölənlərin sayı 13 nəfərə çatıb

Bakı. 5 avqust. REPORT.AZ/ Hindistanın şimal-şərqində avtomat silah və qumbara ilə silahlanmış bir neçə şəxsin izdihamlı bazarda insanlara atəş açması nəticəsində ölənlərin sayı 13 nəfərə çatıb.

"Report" BBC-yə istinadən xəbər verir ki, hücumda 6 silahlı şəxs iştirak edib.

Onlardan biri öldürülüb, digərləri polis tərəfindən təqib olunur.

Polisin fərziyyəsinə görə, hücum edən şəxslər "Bodolanda Milli Demokratik Cəbhə" qruplaşmasının separatçıları ola bilər.