Hindistan Prezidenti qırıcı təyyarə ilə uçub

Hindistan Prezidenti Draupadi Murmu Su-30MKI qırıcısı ilə yarım saatlıq uçuş həyata keçirib.

“Report” TASS-a istinadən xəbər verir ki, bu barədə prezident administrasiyasının məlumatında deyilir.

Bildirilir ki, qırıcı təyyarəni Hindistan Hərbi Hava Qüvvələrinin kapitanı Navin Kumar idarə edib.

Bununla da, Murmu Su-30MKI təyyarəsində uçuş həyata keçirmiş Hindistanın ikinci qadın prezidenti olub. Daha əvvəl, 2009-cu ildə ölkənin o vaxtkı Prezidenti Pratibha Patil qırıcı təyyarədə uçuş həyata keçirmişdi.