Hindistan "Agni-1" ballistik raketlərini uğurla sınaqdan keçirib

Bakı. 30 oktyabr. REPORT.AZ/ Hindistan nüvə başlıqlarını daşımağa qadir olan "Agni-1" ballistik raketlərini uğurla sınaqdan keçirib.

"Report" TASS-a istinadən xəbər verir ki, bu barədə "The Times of India" qəzeti Müdafiə Nazirliyindəki mənbələrə istinadən məlumat yayıb.

Məlumata görə, "yer-yer" tipli raketin buraxılışı Odişa ştatının şərq sahilindəki Abdul Kalam adasındakı poliqonda keçirilib.

"Agni-1" Hindistan ordusunun əsas silahlarındandır. Bu raket müxtəlif növ, o cümlədən çəkisi 1 ton olan nüvə başlıqlarını daşıya bilər.