Yuxarı
    Bağlamaq

    Hillari Klinton Kentukkidəki praymerizdə Berni Sandersi cüzi fərqlə üstələyib

    Ümumi səslərin 99%-nin hesablanması nəticəsində Sanders 46,3%, Klinton isə 46,8% səs toplayıb

    Bakı. 18 may. REPORT.AZ/ Demokratlar Partiyasının Kentukki ştatında keçirilən praymerizində Hillari Klinton əsas rəqibi olan Berni Sandersi cüzi - cəmi 0,5%-lik fərqlə üstələyib.

    "Report" CNN-ə istinadən xəbər verir ki, H.Klinton artıq qələbəsini elan edib. Eyni zamanda Kentukki ştatının katibi Elison Landergen Qrayms da xanım siyasətçinin qalib gəldiyini bildirib.

    Ümumi səslərin 99%-nin hesablanması nəticəsində Sanders 46,3%, Klinton isə 46,8% səs toplayıb.

    Oreqon ştatında isə Demokratlar Partiyasının ilkin seçimlərini B.Sanders qazanıb. O, səslərin 52,7%-ni topladığı halda, H.Klinton 47,3% ilə kifayətlənib.

    Qeyd edək ki, bu günə qədər H.Klinton Demokratlar Partiyasından ABŞ prezidentliyinə namizədliyinin irəli sürülməsi üçün lazım olan üzvlərin 94%-nin dəstəyini təmin edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi