Fransada antisemitizm halları ötən illə müqayisədə 4 dəfə artıb

Cari ilin birinci rübündə Fransada antisemitizm hallarının sayı ötən ilin eyni dövrü ilə müqayisədə dörd dəfə çox olub.

“Report” xəbər verir ki, bu barədə Fransanın Baş naziri Qabriel Attal Fransa Yəhudi Təşkilatları Şurasının (CRIF) iclasında çıxış edərkən bildirib.

"Bu ilin ilk üç ayında Fransada 366 antisemitizm hadisəsi qeydə alınıb ki, bu da ötən ilin ilk üç ayından 300 % çoxdur", - Attal deyib.

Nazirlər Kabinetinin rəhbəri qeyd edib ki, Fransadakı yəhudilər əhalinin təxminən 1 %-ni təşkil edir, lakin dini dözümsüzlük hallarının 60 %-i antisemitizm aktlarıdır.