Filippində güclü yanğında minə yaxın ev külə dönüb

Filippinin paytaxtı Manila şəhərində güclü yanğın nəticəsində minə yaxın ev külə dönüb.

“Report” xəbər verir ki, bu barədə “AFP” məlumat yayıb.

Manilanın Yanğın İdarəsi bildirib ki, yanğın evlərdən birinin ikinci mərtəbəsində başlayıb və qısa müddət ərzində digər mənzillərə yayılıb. Yanğının baş verdiyi ərazidə iki minə yaxın ailə yaşayırmış. Ölən və yaralananlar barədə məlumat verilmir.

Yanğının söndürülməsinə 36 yük maşını, 4 yanğınsöndürən qayıq, ölkənin hərbi hava qüvvələrinin iki helikopteri cəlb edilib.