Estoniyanın keçmiş Prezidenti vəfat edib

Estoniyanın keçmiş Prezidenti Arnold Ruutel 97 yaşında vəfat edib.

"Report" xəbər verir ki, bu barədə "Postimees" qəzeti məlumat yayıb.

Məlumata görə, A.Ruutel dekabrın 31-i axşam Tallində dünyasını dəyişib.

Qəzet yazır ki, dekabrın sonunda sabiq prezident ağır vəziyyətdə xəstəxanaya çatdırılsa da, ölümünün səbəbi açıqlanmayıb.

A.Ruutel 2001-2006-cı illərdə Estoniya Prezidenti vəzifəsində çalışıb.