Əlcəzairdə hərbi təyyarə qəzaya uğrayıb, ölənlər var - FOTO

Əlcəzairdə hərbi təyyarə qəzaya uğrayıb.

“Report” TASS-a istinadən xəbər verir ki, bu barədə ölkənin "An-Nahar" telekanalı bildirib.

Məlumata görə, hadisə ölkənin şimal-şərqində, Umm-əl-Buaqi əyalətində qeydə alınıb. Su-30 qırıcı təyyarəsinin qəzaya uğraması nəticəsində 2 nəfər həlak olub. Ölənlərin heyət üzvü olduqları bildirilir. 

Hadisə yerinə həkimlər və təhlükəsizlik qüvvələrinin əməkdaşları cəlb edilib.