Dublinin mərkəzində bıçaqlı hücum nəticəsində üç nəfər xəsarət alıb

Dublinin mərkəzində bir kişinin hücumu nəticəsində üç nəfər bıçaq xəsarəti alıb.

“Report” xəbər verir ki, bu barədə paytaxt polis idarəsi məlumat verib.

Hücum edən şəxs hadisə yerinin yaxınlığında polis tərəfindən saxlanılıb, yaralananlar xəstəxanaya yerləşdirilib. İlkin məlumata görə, onların həyatı üçün təhlükə yoxdur.

“Xəsarət alanlara tezliklə sağalmağı arzulayıram və baş verənlər haqqında məlumatı olan hər kəsi polislə əlaqə saxlamağa çağırıram”, – ölkənin Baş naziri Mixol Martin bildirib.

Dublin polisi hələlik təxminən 20 yaşı olan şübhəlinin tək hərəkət etdiyi versiyası üzərində işləyir. Onun motivləri və baş verənlərin təfərrüatları hələlik açıqlanmır.