Daha bir ölkədə koronavirusdan ilk ölüm qeydə alındı

Küveytdə koronavirusa yoluxmuş şəxs ölüb.

“Report” “Küveyt” xəbər agentliyinə (KUNA) istinadən xəbər verir ki, bu, ölkədə koronavirusdan ilk ölüm halıdır.

Qeyd edək ki, Yaxın Şərq ölkəsində indiyədək 417 nəfərə koronavirus diaqnozu qoyulub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 205 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 1 118 000-i ötüb. Bunların 229 157 nəfəri sağalıb, 59 220 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.