CNN: İsrailin İrana qarşı əməliyyatı ABŞ-nin razılığı ilə həftələrlə davam edə bilər

İsrailin İrana qarşı hərbi əməliyyatı günlərlə deyil, həftələrlə davam edə bilər və bu, ABŞ administrasiyasının gizli razılığı ilə həyata keçirilir.

"Report"un xəbərinə görə, bu barədə CNN Ağ Evdəki və İsrail hakimiyyətindəki mənbələrə istinadən məlumat yayıb.

CNN bildirir ki, ABŞ Prezidenti Donald Trampın administrasiyası qapalı müzakirələr zamanı əməliyyatın gözlənilən müddətinə etiraz etməyib. Ağ Evin sözçüsü təsdiq edib ki, Amerika tərəfi İsrailin planlarından xəbərdardır və onu üstüörtülü şəkildə dəstəkləyir.