Bakı. 16 sentyabr. REPORT.AZ/ Çin hökuməti Honkonqda tüğyan edən "Manqhut" qasırğası nəticəsində 100-dən çox yaralının olduğunu bildirib.
Bu barədə "Report" BBC-ə istinadən xəbər verir.
Şahidlərin sözlərinə görə, göydələnlər güclü külək səbəbindən silkələnib və pəncərələr çıxıb.
Qeyd edək ki, "Manqhut" Filippində azı 28 nəfərin ölümünə səbəb olub. Qasırğa hazırda Çin istiqamətində hərəkət edir.