Çexiya Aİ-nin miqrasiya paktı ilə bağlı səsverməsində bitərəf qalacaq

Çexiya Avropa İttifaqında miqrasiya və sığınacaq haqqında paktın qəbulu ilə bağlı səsvermədə bitərəf qalacaq.

“Report” xəbər verir ki, bu barədə ČTK xəbər agentliyi məlumat yayıb.

Ölkə hökuməti səsvermədə bitərəf qalmaq barədə qərar qəbul edib. Çexiya hazırlanan sənəddən razı deyil. Rəsmi Praqa bəyan edir ki, bu məsələnin ictimaiyyət tərəfindən təsdiqlənməsi ölkənin miqrantları qəbul etmək məcburiyyətində qalacağı anlamına gəlmir.

İspaniyanın "El Mundo" nəşri bundan əvvəl bildirib ki, Aİ-də miqrasiya və sığınacaq haqqında paktın təsdiqindən sonra məqsəd hər il azı 30 min miqrantı qurumun müxtəlif ölkələrinə yönləndirməkdir.