Brüsselin mərkəzində atışma, 4 nəfər yaralanıb

Brüsselin mərkəzində baş verən atışma nəticəsində biri ağır olmaqla 4 nəfər yaralanıb.

“Report”un məlumatına görə, bu barədə “Derniere Heure” qəzeti məlumat yayıb.

Bütün yaralılar xəstəxanaya yerləşdirilib, polis hadisə yerini mühasirəyə alıb.

Brüssel polisi nəşrə bildirib ki, atışma cinayət xarakteri daşıyır və terror izi istisna olunur.

Hüquq-mühafizə orqanları atəş açan şəxsi axtarır, lakin hələlik onun haqqında məlumat yoxdur. Ehtimal olunur ki, silahlı insident narkotik alverçiləri arasında baş verib.