Braziliyada koronavirus xəstələrinin sayı 52 mini ötdü

Braziliyada СOVID-19 xəstələrinin sayı son bir gündə 3 503 nəfər artaraq, 52 995 nəfər təşkil edib.

“Report” RİA “Novosti” agentliyinə istinadən xəbər verir ki, bu barədə ölkənin Səhiyyə Nazirliyi bildirib.

Qeyd edilir ki, son bir gündə koronavirusdan 357 nəfər ölüb. Bununla da ölkədə koronavirus qurbanlarının sayı 3 670 nəfərə çatıb. Məlumata görə, indiyədək virusa yoluxmuş 27 655 pasiyent sağalıb.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.