BMT baş katibi: "Koronavirusun növbəti ştamı "omikron"dan daha pis ola bilər"

BMT baş katibi: "Koronavirusun növbəti ştamı "omikron"dan daha pis ola bilər" Qlobal peyvəndin hazırkı tempi "omikron"dan daha pis ola biləcək infeksiyanın yeni variantlarının ortaya çıxmasını təhdid edir.
Digər ölkələr
154
22 Yanvar , 2022 00:36
BMT baş katibi: Koronavirusun növbəti ştamı omikrondan daha pis ola bilər

Qlobal peyvəndin hazırkı tempi koronavirusun "omikron" ştamından daha pis ola biləcək infeksiyanın yeni variantlarının ortaya çıxmasını təhdid edir.

"Report" xəbər verir ki, bunu BMT-nin Baş katibi Antoniu Quterreş Baş Assambleyada 2022-ci il üçün iş prioritetləri ilə bağlı çıxışı zamanı deyib.

"Növbəti seçim daha pis ola bilər. İnfeksiyanın yayılmasının dayandırılması hər yerdə gündəmin əsas mövzusu olmalıdır", - Baş katib bildirib.

Quterreş qlobal peyvənd kampaniyasının davam etdirilməsinin vacibliyini vurğulayıb.

"Elm açıq şəkildə göstərdi ki, peyvəndlər işləyir və insan həyatını xilas edir. Keçən ilin oktyabrında Ümumdünya Səhiyyə Təşkilatı 2021-ci ilin sonuna qədər dünya əhalisinin 40%-ni, bu ilin ortalarına qədər isə 70%-ni peyvənd etməyi qarşısına məqsəd qoyub", - BMT Baş katibi əlavə edib.

Onun sözlərinə görə, yüksək gəlirli ölkələrdə peyvənd nisbətləri Afrikadakından 7 dəfə yüksəkdir. Bu templə Afrikada irəliləyişə yalnız 2024-cü ilin avqust ayına kimi nail olunacaq.

Quterreş qeyd edib ki, dünya artıq hər ay 1,5 milyard dozada koronavirus vaksini istehsal edir.

Son xəbərlər

Orphus sistemi