Blinken və Quterreş Ukrayna məsələsini və Qəzza üzrə sazişi müzakirə ediblər

ABŞ dövlət katibi Antoni Blinken və BMT-nin Baş katibi Antoniu Quterreş Vaşinqtonda keçirilən görüşdə Ukrayna ilə bağlı qarşılıqlı fəaliyyəti, həmçinin Qəzza zolağında atəşkəs barədə təklifi müzakirə ediblər.

“Report” xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.

"Dövlət katibi Qəzzada hərtərəfli atəşkəsin təmin edilməsi, bütün girovların azad olunması və Qəzzada böhranın dayandırılması ilə bağlı təklif olunan sazişə ictimai dəstəyə görə baş katibə təşəkkürünü bildirib”, - sənəddə qeyd olunur. Dövlət katibi BMT Təhlükəsizlik Şurasının əməliyyatın dərhal yerinə yetirilməsinə çağırmasının vacibliyini vurğulayıb. Blinken və baş katib Qəzzadakı insanlara humanitar yardım və BMT-nin zəruri yardımın çatdırılması səylərini dəstəkləməsinin vacibliyini vurğuladılar.

"Onlar həmçinin ABŞ və BMT-nin Ukraynanın hərtərəfli, ədalətli və uzunmüddətli sülh yaratmaq səylərini dəstəkləmək üçün əməkdaşlığını müzakirə etdilər", - Miller əlavə edib.

Bundan əlavə, Blinken və Quttereş Sudandakı münaqişəni və zorakılığın dayandırılması, mülki əhalinin qorunması, humanitar yardımın artırılması üçün bütün lazımi tədbirlərin görülməsinin vacibliyini müzakirə ediblər.