Suriyanın şimalındakı İdlib vilayətinə Bəşər Əsədə tabe olan qüvvələrin hücumu nəticəsində 4 dinc sakin ölüb.
“Report” “TRT Haber”ə istinadən xəbər verir ki, hücumlar İdlibin cənub-şərqindəki Serakib məntəqəsindən həyata keçirilib.
Serakibdən İdlibin mərkəzinə endirilən zərbələr nəticəsində 4 dinc sakin ölüb, daha 2 mülki şəxs isə yaralanıb.
Ölənlərdən birinin azyaşlı olduğu qeyd edilib. Xəsarət alanlar xəstəxanaya yerləşdirilib.