İran ABŞ-nin Qətərdəki bazasına zərbə endirməsinə aydınlıq gətirib

İran ABŞ-nin "Əl-Udeyd" bazasına zərbələri Vaşinqtonun əsassız təcavüzünə cavab olaraq özünümüdafiə aktı adlandırıb.

“Report” xəbər verir ki, bu barədə İran XİN-in mətbuat katibi İsmayıl Bəqai “X” hesabında bildirib.

XİN nümayəndəsi həmçinin deyib ki, İranın hərəkətləri BMT Nizamnaməsinin 51-ci maddəsinə uyğundur.

"Bu özünümüdafiə aktının Qətərlə heç bir əlaqəsi yox idi, çünki bizim mükəmməl və dərin kök salmış münasibətlərimiz var. İran Qətər Dövləti və digər qonşu ölkələrə münasibətdə mehriban qonşuluq siyasətinə tam sadiqdir", - o yazıb.

Bəqai vurğulayıb ki, ABŞ və İsrailin İranla qardaş ölkələr arasındakı münasibətlərin parçalanması aləti kimi hərbi təzyiq və təcavüzdən istifadə etməsinə imkan verməyəcək.

Gülnar Mahmudova