Belqradda tramvayın relsdən çıxması nəticəsində 15 nəfər xəsarət alıb - YENİLƏNİB

Belqradda tramvayın relsdən çıxması nəticəsində xəsarət alanların sayı 15-ə çatıb.

"Report" xəbər verir ki, bu barədə Serbiyanın RTS kanalı məlumat yayıb.

Məlumata görə, xəsarət alanlar arasında iki uşaq var.

13:18

Belqradın (Serbiya) mərkəzində tramvay relsdən çıxaraq binaya çırpılıb.

"Report" xəbər verir ki, bu barədə Serbiyanın RTS kanalı məlumat yayıb.

İlkin məlumatlara görə, azı 10 nəfər xəsarət alıb.

Hadisə yerinə dörd təcili tibbi yardım maşını cəlb edilib.

Bidirilib ki, insidentlə bağlı araşdırma aparılır, qəzanın baş verdiyi ərazidə nəqliyyatın hərəkəti iflic olub.